RTV AHIRETI
LajmeRajon dhe Botë

Erdoğan: Turqia vazhdon luftën kundër terrorizmit deri në eliminimin e kërcënimit – VIDEO

erdogan:-turqia-vazhdon-luften-kunder-terrorizmit-deri-ne-eliminimin-e-kercenimit-–-video

Turqia do të vazhdojë të luftojë terrorizmin brenda kufijve të saj dhe më gjerë derisa të zhduket kërcënimi, deklaroi sot presidenti i vendit, Recep Tayyip Erdoğan, raporton Anadolu Agency (AA).

“Ne do të vazhdojmë këtë luftë brenda dhe jashtë kufijve derisa kërcënimi terrorist ndaj vendit tonë të zhduket plotësisht”, tha Erdoğan gjatë një fjalimi me rastin e Ditës së Mësuesve në kryeqytetin Ankara.

Erdoğan më tej tha se Forcat e Armatosura Turke kanë shkatërruar foletë terroriste në operacionet e kryera si në veri të Irakut ashtu edhe në Siri, pranë kufirit turk.

“Kudo që ka terroristë, forcat e sigurisë së këtij shteti do të jenë aty me policinë, ushtrinë dhe forcat e saj të sigurisë”, shtoi ai.

Herët të dielën, Turqia nisi operacionin “Kthetra-Shpata”, një fushatë ajrore ndërkufitare kundër organizatës terroriste PKK/YPG, e cila ka ngritur strehimoret e saj të paligjshme përgjatë kufirit të Irakut dhe Sirisë, ku planifikojnë dhe ndonjëherë kryejnë sulme në territorin turk.

Zyrtarët turq theksuan se operacioni është në përputhje me ligjin ndërkombëtar dhe të drejtën e vendit për vetëmbrojtje sipas rezolutës së OKB-së.

Në fushatën e saj terroriste më shumë se 35-vjeçare kundër Turqisë, PKK, e listuar si organizatë terroriste nga Turqia, SHBA-ja dhe Bashkimi Evropian, ka qenë përgjegjëse për vdekjen e më shumë se 40 mijë njerëzve, përfshirë gra, fëmijë dhe foshnja. YPG është dega siriane e grupit terrorist.

Related posts

Japonia kundërshton stërvitjet ushtarake të Koresë së Jugut

admin

Kur do të kompensohen qytetarët që iu faturua rryma e shpenzuar në veri për 18 vjet

rezart morina

Şentop në hapjen e kampusit Maarif: Turqia synon të rrisë breza që do të punojnë për paqen dhe qetësinë e njerëzimit

admin