I arrestuari nga Policia e Kosovës më 4 gusht, nën dyshimin se është përfshirë në prodhimin dhe shpërndarjen e parave të falsifikuara, dyshohet se gjatë dy vjetëve të fundit ka prodhuar qindra mijëra monedha 2-euroshe, kanë njoftuar autoritetet e rendit të martën.
I dyshuari është shtetas i Maqedonisë së Veriut, ndërsa operacioni rezultoi i suksesshëm pas bashkëpunimit të autoriteteve të Kosovës dhe atyre maqedonase, mbështetur nga EUROPOL dhe EUROJUST.
Agjencia e Bashkimit Evropian për Bashkëpunim në Drejtësinë Penale (EUROJUST) ka dhënë detaje rreth këtij rasti. Sipas kësaj agjencie, i arrestuari është punonjës i MPB-së maqedonase dhe dyshohet se ka prodhuar rreth 2 milionë monedha false 2-euroshe, të cilat do të qarkullonin në ekonominë kosovare.
“Gjatë kontrollit në shtëpinë e të dyshuarit janë sekuestruar makineri për prodhimin e valutës së falsifikuar, shabllone monedhash dhe lëndë të parë. I dyshuari ka qenë nën vëzhgim për një periudhë të gjatë”, thuhet në komunikatë.
The post EUROPOL: Personi i arrestuar në Kosovë për para të falsifikuara, punonjës i MPB-së maqedonase first appeared on Radio Televizioni Iliria.
