Gjykata e Lartë e Arabisë Saudite njoftoi të martën se e mërkura më 19 korrik do të jetë fillimi i vitit të ri islamik 1445.
Fillimi i muajit Muharrem, muaji i parë i kalendarit islamik, shënon fillimin e vitit të ri.
Gjykata e Lartë tha se komitetet e vrojtimit të hënën nuk e kishin parë gjysmëhënën më 29 Dhul Hixhe ose 17 korrik, prandaj, u vendos që e marta do të ishte dita e fundit e Dhul Hixhes dhe se muaji Muharrem do të fillonte të mërkurën.
Emri Hixhri i referohet Hixhretit, ose shpërnguljes së Profetit Muhamed dhe pasuesve të tij nga Meka në Medine në vitin 622.
Kalendari hënor islamik përbëhet nga dymbëdhjetë muaj duke filluar me muajin Muharrem dhe duke përfunduar me Dhul Hixhe. Çdo muaj fillon me shikimin e hënës së re.
Për muslimanët që jetojnë në kohën e sotme, kalimi i ditëve, muajve dhe viteve zakonisht llogaritet duke përdorur kalendarin gregorian perëndimor, ndërsa festat dhe muajt e rëndësishëm islam llogariten duke përdorur kalendarin islamik hixhri.
Njohja e emrave të muajve gregorian dhe islam, ditëve dhe viteve dhe kur ato ndodhin është shumë e rëndësishme për muslimanët që të hapërojnë me sukses si në jetën e tyre zyrtare ashtu edhe në atë shpirtërore. /mesazhi
