Finlandezët do të votojnë të dielën për të zgjedhur 200 deputetë të cilët do të formojnë një qeveri të re.
Nuk ka asnjë prag elektoral që një parti të hyjë në parlamentin e Finlandës, por ajo duhet të marrë një minimum prej 2% të votave për të përfituar nga ndihma e thesarit.
Një total prej 2,424 kandidatësh nga 22 parti politike po konkurrojnë për vendet në Eduskunta, legjislatura njëdhomëshe e vendit nordik.
Çdo shtetas finlandez 18 vjeç e lart mund të votojë. Janë ngritur rreth 2000 qendra votimi, të cilat do të jenë të hapura nga ora 09:00 deri në 20:00 me orën lokale.
Vendi është ndarë në 13 zona zgjedhore dhe numri i përfaqësuesve të zgjedhur nga çdo zonë do të jetë në raport me popullsinë e qarkut.
Të mërkurën do të shpallet konfirmimi i rezultateve të zgjedhjeve parlamentare.
Qeveria aktuale udhëhiqet nga Sanna Marin e Partisë Socialdemokrate, e cila është kryeministre, dhe katër parti të tjera – Partia e Qendrës, Lidhja e Gjelbër, Aleanca e Majtë dhe Partia Popullore Suedeze.
Janë 19 ministra. Ndërsa Partia Social Demokrate mori shtatë portofol ministror pas sondazheve të vitit 2019, partneri i dytë më i madh i koalicionit, Partia e Qendrës, ka pesë ministra. Udhëheqësja e saj 39-vjeçare Annika Saarikko ka shërbyer si ministre e financave që nga maji 2021.
Liga e Gjelbër, liderja e së cilës është Maria Ohisalo dhe që shërbeu si ministre e Brendshme nga 2019-2021, ka tre poste ministrore.
Ndërkohë, kreu i Aleancës së Majtë, Li Andersson, shërben si ministër i arsimit të vendit. Partia ka dy ministra në kabinet, ashtu si Partia Popullore Suedeze. /mesazhi
