Ministri i Jashtëm finlandez, Pekka Haavisto njoftoi sot kandidaturën e tij për president.
“Kam vendosur të kandidojë në zgjedhjet presidenciale të vitit 2024”, njoftoi politikani i të Gjelbërve në një konferencë për shtyp, në Helsinki.
Drejtuesja e Partisë së Gjelbër, Maria Ohisalo shprehu mbështetjen e saj, menjëherë pas njoftimit.
Kjo është përpjekja e tretë e Haavisto për të marrë postin më të lartë të Finlandës.
Finlanda do të zgjedhë presidentin e ri më 28 janar.
Presidenti aktual, Sauli Niinistö nuk lejohet të kandidojë përsëri pasi ka shërbyer për dy mandate.
Haavisto u rendit i dyti, respektivisht në zgjedhjet e vitit 2012 dhe 2018, pasi Niinistö u shpall fitues. /atsh
