Forcat izraelite sulmuan një fshat në provincën Quneitra të Sirisë të mërkurën me një konvoj ushtarak, bastisën shtëpite dhe frikësuan banorët, transmeton Anadolu.
Alikhbariah TV tha se trupat izraelite përparuan në fshatin Al-Asbah në jug të Quneitrës duke përdorur gjashtë automjete ushtarake, ku kryen kontrolle shtëpish dhe terrorizuan banorët.
Më herët të mërkurën, e njëjta media raportoi se forcat izraelite rifilluan aktivitetet e rrafshimit të tokës dhe zgjerimit në pjesë të provincës Quneitra ndërsa vendosën kufizime për civilët.
Nuk pati asnjë koment nga autoritetet siriane mbi shkeljet e raportuara të sovranitetit të vendit nga ana e Izraelit.
Inkursionet izraelite në Sirinë jugore janë bërë pothuajse të përditshme në muajt e fundit, përfshirë bastisjet në shtëpi, vendosjen e pikave të kontrollit dhe ndalimin e civilëve, përfshirë fëmijë dhe barinj.
Pas rënies së regjimit të ish-presidentit sirian Bashar Assadi më 8 dhjetor 2024, Izraeli shpalli rënien e Marrëveshjes së Çlirimit të vitit 1974 dhe u zhvendos për të pushtuar zonën tampon përgjatë kufirit.
Pavarësisht se administrata e re siriane nuk ka lëshuar kërcënime ndaj Izraelit, forcat izraelite kanë kryer sulme ajrore në Siri që nga rrëzimi i Assadit, duke vrarë civilë dhe duke synuar vende, pajisje dhe municione ushtarake.
