Çmimet globale të naftës janë fryrë në Azi, pasi ministri i Jashtëm iranian tha se vendi “nuk ka ndërmend të negociojë për momentin” me ShBA-në.
Të mërkurën, Abbas Araghchi u tha mediave shtetërore se shkëmbimet midis Teheranit dhe Uashingtonit ishin “transmetuar nëpërmjet vendeve mike” dhe nuk do të thotë se po zhvillohen negociata, shkruan BBC.
Në përgjigje, presidenti amerikan, Donald Trump tha se udhëheqësit e Iranit “kanë frikë” të pranojnë se janë në bisedime.
Nafta bruto Brent u rrit me 1.6% në 103.85 dollarë (77.71 £), ndërsa West Texas Intermediate ishte 1.4% më e lartë në 91.61 dollarë.
