Ministrja e Punëve të Jashtme dhe Diasporës, Donika Gërvalla ka folur sërish për rastin e Faton Hajrizit.
Gërvalla ka thënë se bashkëpunimi me Serbinë për këtë çështje është pothuajse inegzistente
Ajo ka thënë se çdo gjë që ka ndodhur deri më tani në Serbi është në mjegull.
Ajo ka shtuar se i kanë kërkuar bashkësisë ndërkombëtare që të ndihmojë në zbardhjen e këtij rasti.
“Deri më tani gjithçka që ka ndodhur në Serbi është në mjegull. Pa dashur të paragjykojë çka ka ndodhur në Serbi sepse jam e sigurt që nuk e dimë të gjithë të vërtetën. Kemi bërë thirrje bashkësisë ndërkombëtare dhe misioneve diplomatike që të na ndihmojë në zbardhjen e kësaj ngjarje”, tha Gërvalla.
Ajo ka shtuar se duhet të jemi të kujdesshëm me cilat informacione po shërbehemi dhe cilat po na servohen.
“Natyrisht që avokati i familjes do të ketë mbështetjen institucionale jo vetëm në Kosovë por edhe me misionin tonë që kemi në Beograd”, ka thënë Gërvalla, duke shtuar se është e rëndësishme të dimë të vërtetën e asaj që ka ndodhur. /Telegrafi/
The post Gërvalla: Rasti i Faton Hajrizit ende në mjegull – nuk kemi garanci për identitetin e viktimës first appeared on Radio Televizioni Iliria.
