Gjashtë paqeruajtës nga Bangladeshi janë vrarë dhe tetë të tjerë janë plagosur në një “sulm terrorist” ndaj një baze të Kombeve të Bashkuara në rajonin Abyei të Sudanit, ka njoftuar ushtria e Bangladeshit.
Sipas një deklarate të publikuar të shtunën, sulmi ndodhi në Abyei dhe përleshjet ende po vazhdojnë. Deri tani, misioni i OKB-së nuk ka dhënë koment zyrtar për ngjarjen.
Qeveria sudaneze e dënoi sulmin ndaj objektit të OKB-së. Autoritetet sudaneze, të lidhura me ushtrinë dhe të bazuara në Port Sudan, akuzuan Forcat e Mbështetjes së Shpejtë (RSF) për përgjegjësinë e sulmit.
Këshilli i Sovranitetit, i kryesuar nga gjenerali Abdel Fattah al-Burhan, e cilësoi sulmin si një “përshkallëzim të rrezikshëm”. Bangladeshi është një nga kontribuesit më të mëdhenj në misionet paqeruajtëse të OKB-së dhe ka trupa të dislokuara prej vitesh në Sudan. /mesazhi
