Policia e Kosovës ka gjetur veturën e cila dyshohet se është përdorur në grabitjen e së mërkurës në një argjendari në Suharekë.
Zëdhënësi i Policisë, Baki Kelani bëri të ditur për Teve1.info se vetura është gjetur në fshatin Jezerc.
“Mund të konfirmoj se sot në orët e pasdites pas hetimeve të zhvilluara, në fshatin Jezerc është gjetur vetura e cila dyshohet se ishte përdorur në rastin e grabitjes në Suharekë. Njësitet relevante policore janë duke kryer ekzaminimin e veturës, për të vazhduar me konfiskimin dhe procedurat e mëtejme hetimore”, deklaroi Kelani.
Pasditen e së mërkurës, katër persona kanë kryer një grabitje të armatosur në një argjendari në Suharekë, me ç’rast dy policë kanë pësuar lëndime.
Të dyshuarit ende nuk janë identifikuar nga Policia dhe gjenden në arrati.
