Ministria gjermane e Mbrojtjes ka marrë dritën jeshile nga parlamenti për projektet me vlerë miliarda euro për pajisjen e forcave të armatosura, duke përfshirë edhe blerjen e avionëve luftarakë amerikanë F-35.
Anëtarët në komisionin e buxhetit miratuan gjithsej tetë projektligje me vlerë rreth 13 miliardë euro (13.86 miliardë dollarë).
Projektet përfshijnë gjithashtu vendimin për të blerë një pushkë të re sulmi si pasardhëse e G-36, blerjen e sistemeve të transmetimit të radios ushtarake, rikonstruksionin e automjetit luftarak të këmbësorisë “Puma” dhe makinat e reja të dëborës.
“Qëllimi ynë është të bëjmë progres në Bundeswehr dhe të mbyllim boshllëqet”, tha ministrja e Mbrojtjes Christine Lambrecht.
“Është një sinjal i rëndësishëm që pas kësaj pike kthese, qëndron qëllimi i parlamentit”, shtoi ajo, duke iu referuar asaj që kancelari Olaf Scholz e quajti një “Zeitenwende” në politikën e mbrojtjes. /atsh
