Për shkak të zjarrit pyjor në malet Harz në rajonin Sanksionia-Anhalt të Gjermanisë, është shpallur gjendje emergjente, transmeton Anadolu Agency (AA).
Në një deklaratë nga Bashkia Werningerode thuhet se zjarri që shpërtheu në majën e malit Brocken në Harz është përhapur me shpejtësi gjatë natës.
Nga zjarri është prekur një sipërfaqe prej 62 hektarësh dhe se për shkak të zjarrit guvernatori i zonës Harz, Thomas Balcerowski ka shpallur gjende emergjente.
Më tej bëhet e ditur se në luftën kundër zjarrit janë mobilizuar 300 zjarrfikës dhe se për avionët civilë është formuar zonë e ndaluar fluturimi prej 40 kilometrash përreth malit Brocken.
Për punimet e shuarjes së zjarrit mbështetje ofrojnë 5 helikopterë dhe se nga vendet e Evropës janë kërkuar 2 avionë për shuarjen e zjarrit.
Bëhet e ditur se është ndaluar ngjitja në malin Brocken ndërsa punimet për fikjen e zjarrit pritet të zgjasin disa ditë.
Për shkak të zjarrit pyjor që shpërtheu dje në zonën poshtë majës së malit Brocken në 1.141 metra lartësi mbidetare në Harz, u evakuuan me autobusë njerëzit në pllajë në majën e malit i cili është një destinacion turistik.
Gjithashtu edhe më 11 gusht në shpatet e malit Brocken shpërtheu një zjarr dhe punimet për shuarjen e tij zgjatën 3 ditë. /aa
