RTV AHIRETI
LajmeRajon dhe Botë

Gjermania pezullon misionin ushtarak në Mali pas tensioneve diplomatike

gjermania-pezullon-misionin-ushtarak-ne-mali-pas-tensioneve-diplomatike

Vendimi është marrë pasi Mali i refuzoi lejen për transport avionit gjerman, tha Ministria e Mbrojtjes e Gjermanisë

Gjermania ka pezulluar misionin e saj ushtarak në Mali pas tensioneve diplomatike me vendin e Afrikës Perëndimore, konfirmoi qeveria, raporton Anadolu Agency (AA).

Zëdhënësi i Ministrisë së Mbrojtjes Arne Collatz tha në një konferencë shtypi në Berlin se autoritetet e Malit sot refuzuan lejen për një aeroplan transporti gjerman dhe penguan edhe një herë planet e rotacionit të trupave.

“Prandaj, ne duhet të marrim masa dhe ne po pezullojmë operacionet e forcave tona të zbulimit dhe fluturimet e transportit CH-53 deri në një njoftim të mëtejshëm”, tha ai.

Collatz tha se ministrja gjermane e Mbrojtjes Christine Lambrecht kishte telefonuar homologun e saj nga Mali të enjten dhe ka marrë garanci se nuk do të ketë pengesa për rotacionin e planifikuar të trupave.

“Por tani, qeveria e Malit edhe një herë mohoi që një avion transporti gjerman të fluturonte mbi territorin e tij”, tha ai.

Gjermania ishte ndër vendet kyçe që mbështetën MINUSMA-n (Misioni i Stabilizimit të Integruar Shumëdimensional) të OKB-së për të ndihmuar në zbatimin e procesit të paqes në vendin e Afrikës Perëndimore. /aa

Related posts

Vjosa Osmani bashkë me Edi Ramën në Ulqin

admin

Presidenti tunizian thirrje qeverisë: Shkatërroni bandat që shkaktojnë rritjet e çmimeve

admin

“Kanë porositur vrasjen time”, denoncimi në policinë e Kosovës: Më kanë vjedhur llogarinë e Facebook dhe…

admin