I akuzuari për krime në Kosovë, Dushko Arsiq, është shpallur fajtor nga Gjykata Themelore në Prishtinë dhe është dënuar e 13 vjet burgim.
Aktakuza e Prokurorisë Speciale thotë se Dushko Arsiq është përgjegjës për vrasje, plagosje, dhe keqtrajtim të civilëve shqiptarë.
Arsiq akuzohet se në bashkëkryerje me pjesëtarë të tjerë të Policisë serbe dhe grupeve paramilitare, në muajt janar-qershor 1999, ka marrë pjesë në dëbimin dhe shpërnguljen e qytetarëve nga Prishtina dhe rrethina.
Po ashtu, Arsiq ngarkohet me akuzën për plaçkitje të shtëpive, si dhe dëmtimit të pronës së shqiptarëve, duke ua vënë zjarrin.
