Imami i Qabesë, Shejh Salih bin Humejd, u lut për popullin palestinez dhe xhaminë Al-Aksa nën sulmet izraelite në hutben (predikimin) e tij të xhumasë, transmeton Anadolu.
Sipas lajmit të televizionit shtetëror të Arabisë Saudite “Al-Ihbariyye”, imami i Qabesë, Shejh Humejd tërhoqi vëmendjen për sulmet e vazhdueshme izraelite kundër popullit palestinez që nga 7 tetori 2023 në hutben e tij të xhumasë.
Ai u lut për palestinezët që u ekspozuan ndaj sulmeve izraelite duke thënë: “O Allah, mbroji vëllezërit tanë në Palestinë, shëroji plagët e tyre, liroji ata që janë robër. O Allah, shëro të sëmurët e vëllezërve tanë palestinezë, mëshiro të vdekurit e tyre dhe pranoji dëshmorët e tyre”.
Shejh Humejd u lut edhe për xhaminë Al-Aksa, ku Izraeli ka kryer bastisje dhe ka vendosur kufizime që nga dita kur filloi sulmet në Rripin e Gazës. “O Allah, çliroje xhaminë Al-Aksa nga pushtuesit uzurpues, ngrije nivelin dhe forcoje themelin e saj”.
Në sulmet e Izraelit në Rripin e Gazës që nga 7 tetori, u vranë 38.345 palestinezë, përfshirë të paktën 15.694 fëmijë dhe 10.279 gra ndërsa 88.295 persona u plagosën.
L’Imam et orateur de la mosquée sacrée de #Makkah
, le Cheikh Dr Salih Bin Humeid invoque pour la #Palestine durant le sermon de ce vendredi:
« Ô Seigneur, sois avec les impuissants en Palestine et rends joyeux nos cœurs avec la libération de la mosquée Al-Aqsa.. » pic.twitter.com/CryrzWIEOB
— Saudi News FR (@SaudiNewsFR) July 12, 2024
