Organizata ndërkombëtare e policisë INTERPOL ka lëshuar udhër arrest edhe për 11 persona të tjerë për sulmin terrorist të 24 shtatorit në Banjskë.
Kështu raporton mediumi serb Nova.rs, transmeton teve1.info
Një urdhërarrest, INTERPOL-i e ka lëshuar dje edhe për ish-nënkryetarin e Listës Serbe, Millan Radoiçiq.
Lajmin e konfirmoi për Radion Evropa e Lirë Nenad Rashiq, ministër për Komunitete dhe Kthim në Qeverinë e Kosovës.
Ai tha se urdhri është lëshuar me ndërmjetësimin e misionit të Kombeve të Bashkuara në Kosovë, UNIMK, në bazë të kërkesës së Ministrisë së Punëve të Brendshme të Kosovës.
Meqë Kosova nuk është anëtare e Interpol-it, urdhërarrestet ndërkombëtare lëshohen në këtë mënyrë.
