RTV AHIRETI
LajmeRajon dhe Botë

Iran, mbahet ceremoni mortore për presidentin Raisi

iran,-mbahet-ceremoni-mortore-per-presidentin-raisi

Në Tabriz të Iranit u mbajt ceremonia e parë mortore e planifikuar për presidentin e Iranit, Ebrahim Raisi, ministrin e Jashtëm, Hossein Amir-Abdollahian dhe zyrtarët e tjerë, raporton Anadolu.

Ceremonia u mbajt në sheshin “Shuheda” në Tabriz dhe në të morën pjesë mijëra persona, ndërsa u kryen lutje për presidentin Raisi, ministrin e Jashtëm, Abdollahian, guvernatorin e rajonit të Azerbajxhanit Lindor, Malek Rahmati dhe imamin e lutjes së të premtes së Tabrizit, Ayatollah Ale Hashem të cilët humbën jetën në aksidentin me helikopter.

Në ceremoninë ku morën pjesë zyrtarë civilë dhe ushtarakë, trupat u dërguan nga sheshi “Shuheda” në sheshin “Musalla” nën një pjesëmarrje të madhe. Qytetarët e Tabrizit i dhanë lamtumirën e fundit presidentit Raisi dhe zyrtarëve të tjerë që humbën jetën.

Ceremonitë, të cilat nisën me faljen e namazit të xhenazes dhe parakalimin në Tabriz, do të vazhdojnë sot në qytetin Qom dhe nesër në Teheran.

Trupi i presidentit Raisi do të varroset me një ceremoni që do të zhvillohet të enjten në qytetin Mashhad.

Related posts

Miratohet në parim Projektligji për paga

admin

OKB: Gazetarja e Al-Jazeera-s u vra nga plumbat e forcave izraelite

admin

Rreth 9,000 pacientë duhet të evakuohen urgjentisht nga Gaza: OBSH

RTI