Trupat e Gardës Revolucionare Islamike të Iranit (IRGC) thanë sot se kanë interceptuar dhe shkatërruar një dron MQ-1 të ushtrisë amerikane mbi Ngushticën e Hormuzit, transmeton Anadolu.
IRGC-ja tha se droni u rrëzua nga sistemi i saj i ri i avancuar i mbrojtjes ajrore hapësinore, i cili vepron si pjesë e rrjetit të integruar të mbrojtjes ajrore të Iranit, raportoi agjencia e lajmeve Mehr.
IRGC-ja pretendon se Washingtoni e kishte rikthyer MQ-1 në shërbim pasi pësoi humbje të mëdha në flotën e tij MQ-9.
Ajo tha se MQ-1, i njohur si “Bisha e Kandaharit” pasi kishte regjistruar rreth 20 mijë orë fluturimi mbi Afganistan, ishte nxjerrë nga shërbimi ushtarak amerikan dhe ishte zëvendësuar nga MQ-9.
Pas shkatërrimit të një pjese të madhe të flotës MQ-9, SHBA-ja është detyruar ta përdorë këtë dron, tha IRGC-ja.
