RTV AHIRETI
LajmeRajon dhe Botë

Ish-shefi i mbrojtjes greke: Greqia u mbajt në Eurozonë në këmbim të lejimit të më shumë bazave amerikane

ish-shefi-i-mbrojtjes-greke:-greqia-u-mbajt-ne-eurozone-ne-kembim-te-lejimit-te-me-shume-bazave-amerikane

Pavarësisht goditjes së madhe në ekonominë e saj, Greqia u mbajt në Eurozonë – grupin e vendeve të BE-së që përdorin monedhën euro – gjatë krizës financiare të viteve 2010 në këmbim të lejimit të më shumë bazave amerikane në territorin e saj, ka thënë ish-ministri grek i mbrojtjes Panos Kammenos.

Në një takim kritik të korrikut 2015 të Eurogrupit, kancelarja gjermane e atëhershme Angela Merkel dhe ministri i Financave Wolfgang Schauble propozuan rreth 90 miliardë dollarë ndihmë financiare nëse Greqia do të dilte nga Eurozona, gjë të cilën Yannis Varoufakis, ministri i atëhershëm i financave, e pranoi, tha Kammenos në një intervistë ekskluzive me transmetuesin grek Antenna.

“Por unë e kundërshtova fuqimisht propozimin dhe i thashë (ish-) kryeministrit Alexis Tsipras që të kërkonte ndihmën amerikane”, tha Kammenos, duke shtuar se për këtë ka kontaktuar edhe me sekretarët e shtetit dhe të mbrojtjes së SHBA-së. Kammenos ishte ministër i mbrojtjes gjatë pjesës më të madhe të vitit 2015.

Sipas Kammenosit, ai u kishte propozuar atyre një paketë që do të përfshinte marrëveshje armësh dhe do të lejonte SHBA-në të aksesonte më shumë baza ushtarake në Greqi, duke përfshirë portin e Aleksandoupolisit dhe bazën Stefanovikeio në këmbim të ndihmës së SHBA-së.

“Në thelb, ne gjithashtu donim që Greqia të zinte vendin e Türkiyes si një aleat strategjik i SHBA-së në Mesdhe”, theksoi ai.

Presidenti i atëhershëm i SHBA-së, Barack Obama, dhe presidenti i atëhershëm francez, Francois Hollande, ishin ndërmjetësues dhe në korrik 2015 u arrit një marrëveshje për Programin e tretë të Rregullimit Ekonomik për Greqinë, tha ai.

“Marrëveshja u arrit sepse Greqia iu drejtua SHBA-së. Kjo është një e vërtetë që duhet thënë”, ka shtuar Kammenos.

Related posts

Maqedonia e Veriut e pesta në Evropë për nga ikja e trurit!

rezart morina

Sociologu britanik: Qeveritë evropiane nuk bëjnë asgjë përpos dënimit kundrejt sulmeve ndaj Kuranit

rezart morina

Ambasadorët e QUINT-it i shkojnë në zyrë Kurtit

RTI