Udhëheqësja e rrëzuar pro-demokratike e Birmanisë, Aung San Suu Kyi, është zhvendosur nga arresti shtëpiak në izolim në një burg në kryeqytetin Nay Pyi Taw, shkruan BBC.
77-vjeçarja laureate e Nobelit u arrestua kur ushtria rrëzoi qeverinë e saj të zgjedhur në shkurt 2021.
Vitin e kaluar ajo është mbajtur në një vend të pazbuluar në kryeqytet.
Suu Kyi tashmë është dënuar me 11 vjet burg dhe përballet me një mori akuzash të tjera. Ajo mohon të gjitha akuzat ndaj saj.
Mendohet se ajo do të marrë pjesë në seancat gjyqësore nga një gjykatë speciale e ngritur brenda burgut.
Një deklaratë e shkurtër e lëshuar nga qeveria ushtarake ka thënë se vendimi ishte në përputhje me ligjet penale të Birmanisë.
Grupet e të drejtave të njeriut i kanë dënuar gjyqet si një mashtrim. Seancat dëgjimore me dyer të mbyllura janë mbyllur për publikun dhe median dhe avokatët e Suu Kyi u ndaluan të flasin me gazetarët.
Mbështetja e Suu Kyi vazhdon të mbetet e lartë mes banorëve të Birmanisë. /koha
