Policia italiane ka sekuestruar 121 milionë euro (131,3 milionë dollarë) nga Amazon me akuza për mashtrim tatimor dhe shfrytëzim të punëtorëve, transmeton Anadolu.
Sipas agjencisë shtetërore të lajmeve ANSA, sekuestrimi ka të bëjë me përdorimin e supozuar të të ashtuquajturave rezervuarë të punës, një sistem ku kompanitë e mëdha nënkontraktojë në mënyrë të paligjshme shërbimet logjistike për kompanitë dhe kooperativat e tjera për të ulur kostot e punës dhe për të paguar më pak taksa.
Nuk u njoftua mënyra se si është bërë sekuestrimi.
Më konkretisht, prokurorët në qytetin industrial verior Milano argumentuan se shumë nga kooperativat e përdorura nga Amazon në mënyrë sistematike nuk paguan taksa, pensione dhe kontribute të sigurimeve shoqërore.
Prokurorët thanë se një mashtrim kompleks tatimor po kryhej nëpërmjet një “mekanizmi të paligjshëm faturash për operacione që ligjërisht nuk ekzistojnë në lidhje me hartimin e nënkontraktave për punë”.
“Ne jemi në përputhje me të gjitha ligjet dhe rregulloret e zbatueshme në çdo vend ku operojmë dhe kërkojmë që kompanitë që punojnë me ne të bëjnë të njëjtën gjë”, tha Amazon në përgjigje.
Prokurorët e qytetit Milano kanë hapur hetime të ngjashme ndaj disa kompanive, duke përfshirë DHL, GLS, Uber, Lidl, BRT, Geodis, Esselunga, Securitalia, UPS, Carrefour Group dhe GXO, nga të cilat kjo e fundit kishte 84 milionë euro të sekuestruara më 2 korrik.
