Një nga vullkanet aktive në Itali, Etna hodhi sërish hi dhe llavë, raporton Anadolu.
Aktiviteti vullkanik i vërejtur javët e fundit në malin Etna, i cili ka një lartësi prej rreth 3.300 metrash në ishullin e Siçilisë ka vazhduar.
Sipas njoftimit nga Stacioni i Vëzhgimit Etna pranë Institutit Kombëtar Italian të Gjeofizikës dhe Vullkanologjisë (INGV), “Voragine” krateri i vullkanit i cili është aktiv së fundmi, filloi të nxjerrë sërish hi dhe llavë që nga mbrëmja e djeshme.
INGV njoftoi se është vënë re rrjedha e lavës në shpatet e vullkanit ndërsa hiri arriti një lartësi prej afërsisht 6 kilometra. Në lajmet e mediave thuhej se hiri ra në vendbanimet Viagrande dhe Acicastello që ndodhen përreth vullkanit.
Përveç kësaj, për shkak të aktivitetit vullkanik në kraterin Voragine, aktivitetet e ekskursionit në vendet prej 2.500 metrash e sipër vullkanit të malit Etna janë pezulluar përkohësisht.
Në deklaratën e 10 korrikut, INGV njoftoi se lartësia e kraterit Voragine në Etna, i cili ka nxjerrë shpesh hi dhe llavë ditët e fundit, ka arritur në 3.369 metra për shkak të llavës së grumbulluar dhe është kthyer në pikën më të lartë të vullkanit.
Aktiviteti vullkanik është regjistruar në intervale të shpeshta që nga fillimi i korrikut në malin Etna, i cili është vullkani më i lartë aktiv në Evropën kontinentale. Pasi vullkani shpërtheu hi dhe llavë të fuqishme në dhjetor 2023, ishte pasiv deri në korrik të këtij viti.
