Ushtria izraelite shënjestroi pjesët veriore dhe jugore të Rripit të Gazës me sulme ajrore dhe artilerie, duke hedhur në erë ndërtesat, raporton Anadolu.
Sipas informacionit të marrë nga dëshmitarët, avionët luftarakë izraelitë bombarduan pjesët lindore të qyteteve jugore të Rafah dhe Khan Younis. Edhe qyteza Beit Lahia në veri të Rripit të Gazës u shënjestrua në një sulm ajror.
Njëkohësisht me këto sulme, edhe pjesët veriore dhe lindore të Khan Younisit u goditën me sulme artilerike si dhe u hap zjarr nga helikopterët. Ushtarët izraelitë hodhën në erë disa shtëpi dhe objekte në lindje të qytetit të Gazës.
Zjarri i ushtrisë izraelite preku gjithashtu lagjet Shuja’iyya dhe Tuffah në pjesën lindore të qytetit ndërsa shpërthime u dëgjuan edhe në zonat përreth.
Dje, ushtria izraelite shkeli armëpushimin në Rripin e Gazës dhe vrau pesë palestinezë, dy prej tyre fëmijë, në një sulm që shënjestroi tendat e palestinezëve të zhvendosur në Khan Younis.
Ndërsa marrëveshja e armëpushimit në Gaza, e cila hyri në fuqi më 10 tetor, pritej t’i jepte fund luftimeve, Izraeli vazhdon ta shkelë atë çdo ditë. Qindra palestinezë janë vrarë dhe plagosur si rezultat i sulmeve.
