Kryeministri palestinez, Mohammad Shtayyeh, ka akuzuar Izraelin se po kërkon të shkatërrojë Autoritetin Palestinez me bazë në Ramallah, transmeton Anadolu Agency (AA).
Siç raporton agjencia shtetërore e lajmeve Wafa, duke folur në një takim të kabinetit, Shtayyeh tha se Izraeli vazhdon përpjekjet e tij “për të shkatërruar Autoritetin Palestinez dhe për të minuar institucionet e tij”.
“Izraeli i thotë botës se dëshiron të forcojë pozitën e Autoritetit Palestinez”, tha Shtayyeh, por theksoi ai, në vend të kësaj po e shkatërron atë.
Në vitin 1993, Organizata për Çlirimin e Palestinës (PLO) dhe Izraeli nënshkruan marrëveshjen e Oslos, e cila u dha palestinezëve një formë të sundimit civil, por negociatat për të përfunduar marrëveshjen dhe për të çuar në një shtet palestinez dështuan.
Negociatat e paqes midis palestinezëve dhe izraelitëve dështuan në prill të vitit 2014 pasi Tel Avivi refuzoi të ndalonte ndërtimin e vendbanimeve dhe të lironte të burgosurit palestinezë të burgosur para vitit 1993.
Në 29 vjetorin e marrëveshjes së Oslos, Shtayyeh tha se Izraeli “nuk la asgjë nga marrëveshja”, duke shtuar se Izraeli “anuloi dhe shpërfilli shumicën e dispozitave të saj”.
Kryeministri palestinez i bërë thirrje Izraelit t’i japë fund bllokadës në Rripin e Gazës, të ndalojë sulmet në Kuds dhe të ngrijë aktivitetet e vendbanimeve izraelite në territoret palestineze.
