Izraeli ka vendosur një ndalim udhëtimi për një muaj ndaj predikuesit të imamit të Xhamisë al-Aksa, Shejh Ikrime Sabri, pasi dyshohet se “ka përdorur udhëtimet e tij jashtë vendit kundër Izraelit”, raporton Anadolu.
Një person nga familja e Shejh Sabriut, i cili nuk donte të bëhej i ditur emri i tij, për Anadolu tha se “një ekip nga inteligjenca izraelite bastisi shtëpinë e Shejh Sabriut në Kudsin Lindor dhe ia përcolli atij ndalimin e udhëtimit prej një muaji”. Ai shtoi se “vendimi është i një lloj i cili mund të zgjatet”.
Personi në fjalë ka deklaruar se në vendimin e firmosur nga ministri izraelit i Punëve të Brendshme, Moshe Arbel, pretendohet se Shejh Sabri “ka kryer provokime dhe ka dyshime se ai ka përdorur udhëtimet e tij jashtë vendit kundër Izraelit”.
Nuk kishte asnjë deklaratë nga autoritetet izraelite për këtë çështje.
Forcat izraelite bastisën shtëpinë e Shejh Sabriut në orët e hershme të mëngjesit dhe e thirrën atë për të dëshmuar.
Shejh Sabri, imami i Xhamisë Al-Aksa, thekson se forcat izraelite ushtronin presion ndaj besimtarëve në Xhaminë Al-Aksa me vendime të tilla si pezullim, arrestime dhe ndalim udhëtimi.
