Izraeli ka njoftuar se Omani ka pranuar të hap hapësirën ajrore për linjat ajrore izraelite me ndërmjetësimin e SHBA-së, transmeton Anadolu.
Kryediplomati izraelit, Eli Cohen, njoftoi Ministria e Punëve të Jashtme e Izraelit, tha se është “ndërmarrë një hap për të shkurtuar rrugën për në Azi, për të ulur kostot e qytetarëve izraelitë dhe për t’i bërë linjat ajrore izraelite më konkurruese”.
Duke njoftuar se Omani ka hapur hapësirën e tij ajrore për linjat ajrore izraelite, ministri Cohen falënderoi Sulltanin e Omanit, Haitham bin Tariq Al Said dhe SHBA-në për kontributin e tyre në marrëveshje.
Në njoftim thuhet se pajtimi mes Izraelit dhe Omanit përfundoi pas disa muajsh negociata.
Thuhet se me hapjen e hapësirës ajrore të Arabisë Saudite dhe Omanit për linjat ajrore izraelite, koha e fluturimeve hyrëse dhe dalëse nga Izraeli në Azi do të shkurtohet me më shumë se 2 orë, si dhe do të ulen edhe çmimet e biletave.
Në lajmet në mediat izraelite në muajin gusht thuhej se Omani refuzoi të hap hapësirën ajrore për kompanitë ajrore izraelite për shkak të “presionit nga Irani”.
