Jordania dënoi hapjen e ambasadës së Papua Guinesë së Re në Kuds, duke e quajtur këtë veprim “shkelje flagrante të ligjit ndërkombëtar”, transmeton Anadolu.
Sinan Majali, zëdhënës i Ministrisë së Jashtme jordaneze, tha në një deklaratë se çdo masë “që synon ndryshimin e statusit ligjor të qytetit të shenjtë është e pavlefshme, e paligjshme dhe nuk ka efekt ligjor”.
Të martën, kombi i vogël i Paqësorit hapi një ambasadë në Izrael në Kuds, duke u bërë vendi i pestë që zhvendos ambasadën e tij në këtë qytet.
Në vitin 2018, SHBA-ja e zhvendosi ambasadën e saj nga Tel Avivi në Kuds, një lëvizje që u pasua nga disa vende, duke përfshirë Hondurasin, Guatemalën dhe Kosovën.
Kudsi mbetet në qendër të konfliktit të Lindjes së Mesme prej dekadash. Palestinezët këmbëngulin që Kudsi Lindor – i pushtuar ilegalisht nga Izraeli që nga viti 1967 – duhet të shërbejë si kryeqytet i shtetit palestinez.
