RTV AHIRETI
LajmeRajon dhe Botë

Eksperti i OKB-së paralajmëron se bota është në rrezik për ndërprerje të furnizimit ushqimor

eksperti-i-okb-se-paralajmeron-se-bota-eshte-ne-rrezik-per-nderprerje-te-furnizimit-ushqimor

Bota ka të ngjarë të përballet me ndërprerje të mëdha në furnizimet ushqimore shumë përpara se temperaturat të rriten me 1.5 gradë Celsius, ka paralajmëruar udhëheqësi i konferencës së OKB-së për shkretëtirëzimin, pasi ndikimet e krizës klimatike kombinohen me mungesën e ujit dhe praktikat e dobëta bujqësore duke kërcënuar bujqësinë globale.

Alain-Richard Donwahi i cili drejtoi samitin e vitit të kaluar të OKB-së për shkretëtirëzimin, Cop15, tha se efektet e thatësirës po ndodhin më shpejt se sa pritej, raportoi Guardian.

“Ndryshimi i klimës është një pandemi që duhet ta luftojmë shpejt. Shihni se sa shpejt po shkon degradimi i klimës – mendoj se po shkon edhe më shpejt nga sa parashikuam”, tha ai. “Të gjithë janë të fiksuar në 1.5 Celsius [mbi nivelet para-industriale] dhe është një objektiv shumë i rëndësishëm. Por në fakt, disa gjëra shumë të këqija mund të ndodhin, në aspektin e degradimit të tokës, mungesës së ujit dhe shkretëtirëzimit, shumë para 1.5 Celsiusit”.

Problemet e rritjes së temperaturave, valët e të nxehtit dhe thatësirat e përmbytjet më intensive, po rrezikonin sigurinë ushqimore në shumë rajone, tha Donwahi. “[Shikoni] efektet e thatësirës në sigurinë ushqimore, efektet e thatësirës në migrimin e popullsisë, efektin e thatësirës në inflacion. Mund të kemi një përshpejtim të efekteve negative, përveç temperaturës”, tha ai.

Qeveritë në mbarë botën nënshkruan një traktat që zotohej për të luftuar shkretëtirëzimin më 1992, së bashku me konventën kornizë të OKB-së për ndryshimet klimatike, e cila është traktati mëmë i marrëveshjes së klimës së Parisit të vitit 2015, dhe konventës së OKB-së për biodiversitetin, e cila synon të mbrojë bollëkun e specieve.

Por traktati i shkretëtirëzimit merr më pak vëmendje dhe Cop15 i vitit të kaluar mbi shkretëtirëzimin kaloi kryesisht pa u vënë re në krahasim me Cop27 të klimës dhe Cop15 të biodiversitetit dhjetorin e kaluar.

Donwahi tha se bota nuk mund ta përballojë injorimin e shkretëtirëzimit. “Ne duhet t’i zgjidhim të gjitha problemet së bashku. Shkretëtirëzimi dhe thatësira çojnë në ndryshime klimatike, çojnë në humbjen e biodiversitetit. Dhe kur keni ndryshime klimatike keni thatësira, përmbytje, stuhi”. /koha

Related posts

Nisen 6 anije të tjera me grurë nga Ukraina

admin

SHBA përsërit mbështetjen për anëtarësimin e Maqedonisë së Veriut në BE

rezart morina

Dogana parandalon mallra kontrabandë përmes autobusit në Merdare

rezart morina