Të pish dy deri në tre filxhanë kafe në ditë, mund të ketë një efekt pozitiv për shëndetin e zemrës. Një studim i ri botuar në CNN thotë se kafeja mund t’ju mbrojë nga sëmundjet kardiovaskulare dhe vdekja e hershme.
Rezultatet sugjerojnë se konsumimi i kafesë së bluar, kafesë së çastit apo asaj pa kafeinë, duhet të konsiderohet pjesë e një stili jetese të shëndetshëm”, tha autori i studimit Peter Kistler.
Studiuesit zbuluan se ka një ulje të konsiderueshme të rrezikut të sëmundjeve koronare të zemrës dhe goditjes në tru për të tre llojet e kafesë. Megjithatë, vetëm kafeja e bluar dhe e çastit zvogëlon rrezikun për aritmi. Kafeja pa kafeinë nuk e ul këtë rrezik, sipas studimit të botuar të mërkurën në Gazetën Evropiane të Kardiologjisë Parandaluese.
Studimet e mëparshme kanë treguar se sasitë e moderuara të kafesë së zezë ulin rrezikun e sëmundjeve të zemrës, si dhe Alzheimerit, Parkinsonit, diabetit të tipit 2, sëmundjes së mëlçisë dhe kancerit të prostatës.
