Kancelari gjerman, Olaf Scholz pritet të vizitojë Serbinë më 19 korrik.
Kjo është konfirmuar nga zëdhënësi i qeverisë gjermane, Steffen Hobstreit.
Sipas tij fokusi i kësaj vizite të Scholz në Beograd do të jetë diskutimi mbi çështjet e politikave ndërshtetërore, si dhe ato ndërkombëtare e evropiane.
Po ashtu është bërë e ditur se Scholz do të pritet në takim nga presidenti serb, Aleksandar Vuciq.
Të dy liderët pritet të marrin pjesë më pas edhe në “Samitin e lëndëve të para të rëndësishme”, sipas zëdhënësit të Qeverisë gjermane.
Si pjesë e samitit, Danas raporton se do të nënshkruhet një memorandum mirëkuptimi midis Serbisë dhe Komisionit të BE-së për partneritetin strategjik për lëndët e para të qëndrueshme, zinxhirët e prodhimit të baterive dhe automjetet elektrike.
Më pas në ora 10:50 është planifikuar një konferencë e përbashkët për shtyp e kancelarit gjerman Scholz dhe presidentit serb.
