Kancelari i Gjermanisë, Olaf Scholz, është infektuar me COVID-19, transmeton Anadolu Agency (AA).
Sipas Agjencisë së Lajmeve të Gjermanisë, DPA, zëdhënësi i Qeverisë së Gjermanisë, Steffen Hebestreit, njoftoi se kryeministri Scholz është infektuar me COVID-19.
Hebestreit tha se kancelari Scholz ishte i izoluar në banesën e tij në ndërtesën e Kryeministrisë.
Duke informuar se Scholz tregoi simptoma të lehta të ftohjes, Hebestreit tha se takimet publike të kryeministrit Scholz të planifikuara për këtë javë u anuluan, por Scholz donte të merrte pjesë online në takimet me kryeministrat e shteteve dhe takime të tjera të brendshme.
Scholz kishte vizituar Arabinë Saudite, Emiratet e Bashkuara Arabe dhe Katarin më 24-25 shtator.
Nga ana tjetër, ministrja e Brendshme gjermane, Nancy Faeser, konfirmoi në Twitter se u prek me COVID-19 dhe i këshilloi të gjithë t’i kushtojnë vëmendje vetes në sezonin e vjeshtës. /aa
