Qendra për Kontrollimin dhe Parandalimin e Sëmundjeve CDC, ka vlerësuar se një e treta e të rriturve në ShBA zakonisht bëjnë më pak sesa gjumi i rekomanduar.
Mungesa e pushimit dhe gjumit të mjaftueshëm gjatë natës ka qenë e lidhur ngushtë me disa probleme, duke filluar nga diabeti, sëmundja e zemrës, mbipesha dhe depresioni.
Për fat të mirë, komuniteti mjekësor kanë kaluar tashmë dekada, që janë duke u përpjekur të kuptojnë gjumin, efektet dhe përfitimet e tij. Studiuesit zbuluan gjithashtu mënyra për t’i ndihmuar njerëzit të flenë mjaftueshëm ose të përmirësojnë cilësinë e tij.
Ky artikull eksploron disa këshilla, që kërkojnë vetëm pak përpjekje për të fjetur shpejt dhe më mirë. Ato mund t’i aplikojnë të moshuar, të rritur dhe adoleshentë.
Shmangni telefonat, tabletët dhe pajisjet e tjera
Përdorimi i teknologjisë gjatë natës mund të ndikojë negativisht në gjumin tuaj, kjo për shkak të ekspozimit ndaj dritës blu, e cila bllokon prodhimin e melatoninës, që është hormoni që e nxit gjumin. Telefonat celularë, tabletët, laptopët dhe televizorët ekspozojnë njerëzit në dritën blu. Një studim i Universitetit Haifa në Izrael, zbuloi se ekspozimi në mes të orës 9 të mëngjesit dhe 11 të dakrës, mund jo vetëm të zvogëlojë prodhimin e melatoninës por edhe të shkurtojë kohën dhe ta dëmtojë cilësinë e gjumit.
Menaxhoni temperaturës e dhomës
Përveç këshillave të mësipërme, njerëzit mund ta rregullojnë kualitetin e gjumit duke e zvogëluar temperaturën e dhomës ku flenë.
Ushtrimet
Kjo ka qenë një nga këshillat më të zakonshme, që ekspertët japin për të ndihmuar njerëzit në zgjidhjen e shumë problemeve shëndetësore, duke përfshirë edhe problemet me gjumin. Hulumtimet kanë treguar, se njerëzit që ushtrojnë rregullisht kanë më pak shanse të përjetojnë pagjumësi dhe probleme të lidhura me kualitetin e gjumit.
