Këshilli i Sigurimit i Kombeve të Bashkuara do të votojë edhe një herë të hënën për rezolutën e armëpushimit në Gaza. Sipas raportimeve, rezoluta përfshin thirrjen për ndërprerje urgjente dhe të qëndrueshme të luftimeve dhe lirimin e menjëhershëm dhe pa kushte të të gjithë pengjeve.
Kjo vjen disa ditë pasi SHBA vuri veton kundër një votimi të ngjashëm. Uashingtoni thuhet se po përpiqet të zbusë formulimin e rezolutës së propozuar. Mbretëria e Bashkuar abstenoi votimin. Pas dështimit të rezolutës, Britania dhe SHBA i kanë bërë thirrje Izraelit të bëjë më shumë për të ruajtur civilët në Gaza.
Struktura e Këshillit të Sigurimit është e tillë që çdo nga pesë anëtarët e përhershëm (Kina, SHBA, Britania e Madhe, Rusia dhe Franca) mund të vërë veton ndaj çdo rezolute, ndryshe nga Asambleja e Përgjithshme më e gjerë, e cila kërkon vetëm një shumicë të thjeshtë për të miratuar një rezolutë./abcnews
