RTV AHIRETI
LajmeLajmetRajon dhe Botë

Këshilltarja e OKB-së dënon sulmin ndaj parlamentit të Libisë

keshilltarja-e-okb-se-denon-sulmin-ndaj-parlamentit-te-libise

Këshilltarja e posaçme e Kombeve të Bashkuara (OKB) për Libinë, Stephanie Williams, ka dënuar sulmin në Dhomën e Përfaqësuesve (parlament) në Libinë lindore, transmeton Anadolu Agency (AA).

“Trazirat dhe aktet e vandalizmit si sulmi në selinë e Dhomës së Përfaqësuesve të premten vonë në Tobruk janë plotësisht të papranueshme”, shkroi Williams në twitter.

Ajo shtoi se është absolutisht jetike që të ruhet qetësia, të demonstrohet lidershipi i përgjegjshëm libian dhe të ushtrohet vetëpërmbajtja nga të gjithë.

Më tej, zyrtarja e OKB-së bëri thirrje për respektimin e “të drejtës së popullit për protesta paqësore”.

Të premten, protestuesit sulmuan ambientet e Dhomës së Përfaqësuesve me bazë në Tobruk dhe i vunë flakën mes protestave në disa qytete libiane që kërkonin shfuqizimin e organeve legjislative dhe ekzekutive, si dhe mbajtjen e zgjedhjeve sa më parë.

Libia është rrënuar nga trazira dhe ndarje që nga rrëzimi i sundimtarit Muammar Gaddafi në vitin 2011.

Bisedimet e sponsorizuara nga OKB-ja ndërmjet rivalëve libianë për të rënë dakord mbi një kornizë kushtetuese për të mbajtur zgjedhjet e shumëpritura janë bllokuar.

Libianët ende presin që zgjedhjet të zhvillohen me shpresën se votimi do të kontribuojë në përfundimin e konfliktit të armatosur shumëvjeçar në vendin e pasur me naftë.

Related posts

Dyshohet se është orkestruar nga një grup që ka lidhje me inteligjencën ushtarake ruse, Gjermania paralajmëron pasoja pas sulmit të dyshuar kibernetik rus

admin

Si ura ajrore e Berlinit i ktheu armiqtë në miq, ngjarja e 75 viteve më parë! Kalkulimi i gabuar historik i Stalinit

admin

Edi Rama në NATO: Kosova të ftohet menjëherë në Partneritetin për Paqe

admin