RTV AHIRETI
FeaturedKosovëLajmeLajmet

KFOR-i, EULEX-i e Policia e Kosovës me stërvitje të përbashkët

kfor-i,-eulex-i-e-policia-e-kosoves-me-stervitje-te-perbashket

Misioni i KFOR-it në Kosovë, EULEX-i dhe Policia e Kosovës do të zhvillojnë stërvitje të përbashkët nesër (më 7 maj) në stërvitjen e quajtur “Golden Saber 2024”.

KFOR-i ka njoftuar të hënën se kjo stërvitje në kampin Vrelo do t’i testojë aftësitë për të zbatuar procedura të përbashkëta në menaxhimin e krizave dhe të skenarëve të sigurisë.

“Stërvitja do të përfshijë një numër të konsiderueshëm personeli, automjetesh dhe mjete që operojnë në të gjithë zonën e stërvitjes si dhe në rrethinat e tij e përgjatë rrugëve kryesore. ‘Golden Saber 2024’ është pasqyrim i bashkëpunimit dhe i përkushtimit tonë të gjatë për të mbështetur sigurinë e qëndrueshme në mbarë Kosovën, për të mirën e komuniteteve”, thuhet në njoftimin e KFOR-it.

KFOR-i ka bërë të ditur se një stërvitje e tillë simbolizon përkushtim të fortë për paqen dhe stabilitetin në Kosovë.

“Duke i bashkuar forcat dhe aftësitë tona, ne demonstrojmë gatishmërinë tonë për t’i adresuar sfidat dhe përkushtimin tonë për ruajtjen e stabilitetit rajonal”.

Related posts

Stoltenberg: Ukraina ka nevojë për armatim të avancuar

admin

Sulmi me 10 viktima në Kanada, shkon në 18 numri i të plagosurve, dy autorët ende të lirë

admin

Çfarë thuhet në aktakuzën e vitit 2021 ndaj të dyshuarit për vrasjen e gruas në Pejë?

admin