RTV AHIRETI
FeaturedKosovëLajmeLajmet

KGJK e KPK i reagojnë Kurtit: Shteti t’i strehojë viktimat, të mos mbesin në mëshirën e organizatave jo-qeveritare

kgjk-e-kpk-i-reagojne-kurtit:-shteti-t’i-strehoje-viktimat,-te-mos-mbesin-ne-meshiren-e-organizatave-jo-qeveritare

Këshilli Gjyqësor i Kosovës (KGJK) dhe Këshilli Prokurorial i Kosovës (KPK) nëpërmjet një deklarate të përbashkët i kanë reaguar kryeministrit të Kosovës, Albin Kurtit, duke i thënë se shteti duhet t’u gjejë çare viktimave të krimit, “në mënyrë që të mos mbesin në mëshirën e organizatave jo-qeveritare”.
“Këshilli Gjyqësor dhe Këshilli Prokurorial i bëjnë thirrje Qeverisë që të përmbush përgjegjësitë kushtetuese dhe ligjore për krijimin e kushteve të nevojshme për strehimin dhe rehabilitimin e viktimave të krimit, në mënyrë që viktimat e krimit të mos të mbesin në mëshirën e organizatave jo qeveritare për strehim dhe rehabilitim”, thuhet në reagim.

Në komunikatë, tutje thonë se deklaratat e sotme të Kurtit nuk i ngjajnë dikujt që përfaqëson institucionet e vendit.

KGJK, tutje ka thënë se ka ndërmarrë të gjitha veprimet e mundshme karshi rastit të dhunimit të 11-vjeçares nga pesë të dyshuar.

Kurti, përgjatë ditës me anë të një reagimi në ‘Facebook’ ka akuzuar KGJK-në dhe KPK-në për heshtje ndaj këtij rasti.

“Sot është dita e tretë, ndërsa KGjK e KPK janë ende në heshtje. Asnjë fjalë lidhur me veprimet që do të ndërmarrin”, deklaroi Kurti, teksa përmendi shkarkimet në zinxhirin komandues në Policinë e Kosovës.

Related posts

Situata në Gaza katastrofike thotë drejtoresha ekzekutive e UNICEF-it

admin

Turqia dënon fuqishëm sulmin ndaj Kuranit dhe flamurit turk në Danimarkë

rezart morina

VOA: Fati i propozimit për armëpushim varet nga Kryeministri Netanyahu dhe udhëheqësi i Hamasit në Gazë

admin