Një tjetër gazetar ”bie” për të raportuar tmerrin e konfliktit në Ukrainë.
Kronisti dhe reporteri i imazhit të agjencisë France Presse, Arman Soldin është vrarë të martën teksa ndodhej në frontin në lindje të vendit.
Lajmi e ka bërë të ditur vetë agjencia franceze e shtypit, një nga tre më të rëndësishmet në botë, për të cilën Soldin ka punuar si koordinator video.
Bombardimi ndodhi rreth orës 16:30 me orën lokale në rrethinat e Chasiv Yar, një qytet pranë Bakhmut, i shënjestruar çdo ditë nga forcat ruse.
Gazetarët e AFP, të cilët udhëtojnë rregullisht në epiqendrën e luftimeve, ishin me ushtrinë ukrainase kur u gjendën në ferrin e zjarrtë. /atsh
