Ndalimet për gratë që marrin pjesë në arsim dhe punë në Afganistan mund të destabilizojnë shoqërinë e vendit dhe të shkaktojnë efekte të tmerrshme, kaskadë, sipas kreut të Zyrës së OKB-së për të Drejtat e Njeriut, Volker Türk.
“Këto kufizime të pakuptueshme të vendosura ndaj grave dhe vajzave jo vetëm që do të rrisin vuajtjet e të gjithë afganëve, por, kam frikë se, përbëjnë një rrezik përtej kufijve të Afganistanit”, paralajmëroi Türk sot në Gjenevë, duke iu referuar indirekt rrezikut të valëve të mëtejshme të refugjatëve.
“Asnjë vend nuk mund të mbijetojë socialisht dhe ekonomikisht nëse gjysma e popullsisë përjashtohet nga e drejta për tu shkolluar”, tha Türk.
“Për më tepër, disa shërbime shëndetësore që shpëtojnë jetë ofrohen vetëm nga punonjëse (gra) të OJQ-ve”, tha ai, duke bërë thirrje për dhënien fund menjëherë të kufizimeve./atsh
