Trotineteve elektronikë iu është ndaluar qarkullimi në sheshet kryesore të kryeqytetit si dhe në hapësirat ku ka shumë këmbësorë.
Kështu ka bërë të ditur nënkryetari i Komunës së Prishtinës, Alban Zogaj.
Zogaj ka shkruar në Facebook se kjo masë është marrë deri në votimin e rregullores për trotinete elektronike.
“Me vendim të Kryetarit, kemi ndaluar qarkullimin e trotinetëve elektrik në sheshet e Prishtinës, dhe në vendet ku ka frekuentim të madh këmbësorësh! Kjo masë e domosdoshme është marrë deri në votimin e rregullores e cila është duke u punuar” shkroi Zogaj.
