RTV AHIRETI
Lajme

Kosovë, shtrenjtohet për 15,4 për qind energjia elektrike

kosove,-shtrenjtohet-per-15,4-per-qind-energjia-elektrike

Bordi i Zyrës së Rregullatorit të Energjisë (ZRRE), në mbledhjen e mbajtur sot, ka marrë vendim që energjia elektrike të shtrenjtohet për 15,4 për qind në Kosovë, transmeton Anadolu.

Siç njofton ZRRE-ja, tarifat e reja me shtrenjtim do të hyjnë në fuqi nga 1 prilli 2023.

Kryesuesi i Bordit të ZRRE-së, Ymer Fejzullahu, në mbledhjen e bordit tha se “arsyeja është furnizimi i qëndrueshëm me energji elektrike”, meqenëse kanë konsideruar se nëse nuk ka furnizim të qëndrueshëm kostoja do të jetë shumë me e madhe sesa kjo rritje.

“Ky është minimumi për të pasur 24 orë energji elektrike”, ka theksuar Fejzullahu.

Ndër arsye të tjera të rritjes së çmimit të energjisë elektrike janë përmendur edhe rritja e çmimeve në tregjet ndërkombëtare, kapacitetet e kufizuara gjeneruese në vend dhe shkalla e lartë e inflacionit.

Fejzullahu në konferencë për media tha se tarifat e reja janë në fuqi deri më 31 mars të vitit 2024, në rast se nuk ka ndonjë kërkesë për shqyrtim të jashtëzakonshëm për rritje shtesë.

Related posts

Montana, shteti i parë në SHBA që ndalon Tik Tok

rezart morina

Rihapet xhamia e Planejës së Prizrenit që ishte shkatërruar gjatë luftës

admin

Çikago bëhet qyteti më i madh i SHBA-së që miratoi rezolutën që kërkon armëpushim në Gaza

admin6