Kroacia ka shënuar rënie të madhe të lindjeve. Në 2023-n kanë lindur 32.047 foshnje, ose gati 2.000 më pak nga viti 2022. Mediumi kroat Index.hr, ka shkruar se në 2022-n kanë lindur 34.027 foshnje, e trendi shihet se ka shënuar rënie, për dallim nga viti 2000, kur ishte regjistruar rekord, 43.746 lindje.
Sipas statistikave zyrtare, 90 për qind e grave që kanë lindur në 2022-n, janë të punësuara ose kërkojnë punë aktive dhe pothuajse gjysma e tyre kanë të përfunduar një fakultet.
Edhe shkalla e vdekshmërisë së foshnjave konsiderohet se ka shënuar rritje në 2023-n, për dallim nga vitet e tjera.
Ndërsa, shifra pozitive janë regjistruar te numri i martesave.
Në 2023-n Kroacia i ka regjistruar 19.467 martesa, gati 1.400 më tepër se në vitin 2022, kur ishin shënuar 18.074.
Rritja e martesave, sipas mediumit kroat, lidhet me largimin e masave të pandemisë, kur në periudhën e koronavirusit nuk lejohej organizimi i ahengjeve. /koha
