RTV AHIRETI
LajmeRajon dhe Botë

Kryeministri i Gjeorgjisë: Lufta në Ukrainë është problemi më i madh që prish rendin botëror

kryeministri-i-gjeorgjise:-lufta-ne-ukraine-eshte-problemi-me-i-madh-qe-prish-rendin-boteror

Kryeministri i Gjeorgjisë, Irakli Garibashvili, tha se lufta e Rusisë në Ukrainë e përmbysi rendin botëror, transmeton Anadolu Agency (AA).

Në fjalën e tij në hapjen e Konferencës së Ambasadorëve 2022 të mbajtur në kryeqytetin e Gjeorgjisë, Tbilisi, Garibashvili vlerësoi zhvillimet rajonale dhe globale të këtij viti.

Duke iu referuar luftës në Ukrainë, Garibashvili tha: “Agresioni i padrejtë ushtarak i Rusisë, lufta në Ukrainë është problemi më i madh që prish rendin botëror dhe është ngjarja më e rëndësishme e vitit”.

Duke thënë se konfliktet në Ukrainë përbëjnë një kërcënim për të gjithë rajonin, Garibashvili tha: “Dëshira jonë është që kjo luftë të përfundojë sa më shpejt që të jetë e mundur, sepse kjo luftë kërcënon arkitekturën e sigurisë jo vetëm të Ukrainës, por edhe të gjithë Evropës dhe rajonit tonë”.

“Ne përsërisim mbështetjen tonë për integritetin territorial dhe sovranitetin e Ukrainës”, tha Garibashvili.

Kryeministri Garibashvili deklaroi se vendi i tij shënoi rritje ekonomike dyshifrore këtë vit, pavarësisht luftës në Ukrainë dhe problemeve ekonomike në mbarë botën.

Related posts

Viti 2022 pa asnjë njohje

admin

Parlamenti Evropian voton sot raportet për Kosovën dhe Serbinë – kërkohet njohja e ndërsjellë

admin

Të paktën 447 civilë të vrarë në Jemen në vitin 2022

admin