Kryeministri i Indisë, Narendra Modi zhvilloi një bisedë telefonike me presidentin e Rusisë, Vladimir Putin, transmeton Anadolu Agency (AA).
Sipas lajmit të “India Times”, në një deklaratë nga Zyra e Kryeministrisë thuhet se kryeministri Modi i ka thënë presidentit Putin se dialogu dhe diplomacia janë rruga e vetme e përparimit në çështjen e luftës Rusi-Ukrainë.
Në deklaratë thuhet se liderët shqyrtuan drejtimet e ndryshme në marrëdhëniet dypalëshe, përfshirë bashkëpunimin në çështjet për energjinë, tregtinë, investimet, mbrojtjen, sigurinë dhe fushat e tjera.
Dy liderët janë dakorduar të qëndrojnë në komunikim të rregullt, theksohet në deklaratën ku bëhet e ditur se Modi ka potencuar se India pret me padurim që dy vendet të punojnë së bashku gjatë presidencës së Organizatës për Bashkëpunim të Shangait.
PM Modi holds telephonic conversation with Russian President Putin |
Catch the day’s latest news and updates ➠ https://t.co/vbPrZG3wjn pic.twitter.com/rP0w4pPw3I
— Economic Times (@EconomicTimes) December 16, 2022
