RTV AHIRETI
LajmeRajon dhe Botë

Kryeministrja franceze: Do i bëjmë kostot e luftës të papërballueshme për Rusinë

kryeministrja-franceze:-do-i-bejme-kostot-e-luftes-te-paperballueshme-per-rusine

Kryeministrja franceze Elisabeth Borne u tha ligjvënësve se megjithëse lufta në Ukrainë do të zgjasë, Franca është gati dhe dëshiron që ta bëjë koston e luftës të papërballueshme për Rusinë.

Gjatë fjalimit të saj para dhomës së ulët të parlamentit të Francës, Borne theksoi se “Rusia ka të ngjarë të shkojë më tej në paligjshmëri dhe përshkallëzim” dhe se Franca “nuk do të dobësohet, as përballë agresorit rus dhe as për të mbrojtur francezët.”

“Lufta në Ukrainë do të zgjasë, por ne jemi gati, rezistenca e popullit ukrainas na detyron, ne do të jemi në lartësinë e saj”, tha Borne.

Franca ka dhënë më shumë se 200 milionë euro ndihmë për Ukrainën dhe 2,500 tonë materiale janë dorëzuar, sipas kryeministres.

Borne shtoi se sanksionet kundër Rusisë po funksionojnë.

“Qëllimi i Francës në konflikt është çmilitarizimi dhe jemi të vendosur që krimet e kryera nga Rusia të dokumentohen, gjykohen dhe ndëshkohen”, tha Borne.

Para fjalimit të Borne, deputetët nderuan ambasadorin e Ukrainës në Francë Vadym Omelchenko, i cili ishte i pranishëm në seancë. /abcnews

Related posts

Japonia mendon se interesat e saj janë të kërcënuara nga shkeljet e ujërave territoriale nga Kina

admin

Stano: Marrëveshja është e detyrueshme në tërësinë e saj, si për Kosovën ashtu edhe për Serbinë

rezart morina

Udhëheqësit botërorë dënojnë shpërthimin në Sheshin Istiklal të Stambollit

admin