Kryeministri në detyrë, Albin Kurti, gjatë fjalës së tij në seancën e jashtëzakonshme e cila po bojkotohet nga ish-partitë opozitare, ka vlerësuar se në Kosovë nuk ka krizë ekonomike, prandaj nuk ka protesta të qytetarëve, por ka vetëm ankesa të opozitarëve.
“Në Kosovë nuk ka krizë ekonomike, rritja ekonomike në çerekun e dytë sivjet ka qenë 4.58 për qind të bruto produktit vendor. Për katër vjet sa kamë qenë kryeministër asnjëherë rritja ekonomike nuk ka qenë nën 4 për qind. Prandaj nuk ka protesta të qytetarëve, por vetëm ka vetëm ankesa të opozitarëve”.
Megjithatë, sipas Kurtit, vendi po rrezikon të ketë krizë sociale, nga kriza buxhetore e financiare, për shkak të keqpërdorimit të procedurave.
“Qëndrimet e subjekteve politike që nuk janë të pranishme për besë nuk kanë alibi, nëse ne sipas tyre qenkemi vonuar, pse nuk janë këtu për të na e lënë neve fajin e popullit buxhetin”, tha ai.
The post Kurti i bindur: Në Kosovë s’ka krizë ekonomike, prandaj s’ka protesta të qytetarëve first appeared on Radio Televizioni Iliria.
