Kryeministri i vendit, Albin Kurti ka kujtuar shqiptarët e vrarë nga forcat e armatosura serbe, në Rogovë të Hasit, Goden e Bishtazhin të Gjakovës.
Kurti mes tjerash ka theksuar se Kosova nuk i harron e as nuk i falë krimet e kryera nga Serbia.
“Republika e Kosovës nuk i harron e as nuk i falë krimet e kryera nga Serbia. Më 27, 28 dhe 29 janar të vitit 1999, forcat e armatosura serbe i vranë 30 shqiptarë në Rogovë të Hasit, Goden e Bishtazhin të Gjakovës. Në këtë 25 vjetor i përkujtojmë luftëtarët dhe civilët e rënë për liri, që me sakrificën e tyre e shtruan rrugën deri te ҫlirimi i Kosovës nga Serbia okupatore, ka shkruar ai në Facebook.
Ai ka thënë se atëbotë ranë duke luftuar 21 ushtarë të Ushtrisë Çlirimtare të Kosovës dhe nëntë civilë shqiptarë.
