RTV AHIRETI
FeaturedKosovëLajmeLajmetRajon dhe Botë

Kurti: Masat e BE-së të padrejta, s’ka kompromis me kushtetutshmërinë e vendit

kurti:-masat-e-be-se-te-padrejta,-s’ka-kompromis-me-kushtetutshmerine-e-vendit

Kryeministri Albin Kurti ka thënë se Kosova nuk mund të bëjë kompromis me sundimin e ligjit e as me kushtetutshmërinë e vendit, andaj do të vazhdojë me zbatimin e programit të saj qeveritar, teksa ka shtuar se shpreson se masat e përkohshme të Bashkimit Evropian të jenë të shkurtra.

Gjatë përurimit të parkut të ri në fshatin Davidovc të Shtimes, Kurti i ka cilësuar këto masa të padrejta.

“Këto nuk janë sanksione por është e vërtetë që janë masa të përkohshme por të padrejta për shkak se Kosova dhe qeveria e saj janë edhe shteti edhe ekzekutiv më demokratik pro-evropian dhe progresist. Në anën tjetër kemi një përballje të vazhdueshme me forma të ndryshme të agresionit të Serbisë që është shtet autokratik dhe pro-Rusisë dhe i paballafaquar me të kaluarën kriminale në hapësirën e ish-Jugosllavisë ku i ka shkaktuar katër luftëra. Sido që të jetë ne e bëjmë punën tonë, por le të mos harrojmë që nuk mundemi të bëjmë kompromis as me sundimin e ligjit as me kushtetutshmërinë e vendit tonë andaj ne do të vazhdojmë me zbatimin e programit tonë qeveritar dhe shpresojmë që këto masa të përkohshme do të jenë fort të shkurtra ashtu që edhe mbështetja edhe ndihma evropiane të jenë të plota për shkak se Kosova është një vend që ka nevojë për mbështetje në zhvillimin e saj”, ka thënë ai.

Kurti më tej ka thënë se Kosovca është e gatshme dhe e interesuar shumë më tepër sesa Serbia për normalizim me njohje de facto në qendër.

“Tryeza e dialogut është për zbatimin e marrëveshjes për normalizim të plotë dhe gjithashtu për deeskalim. Ne jemi të gatshëm, të interesuar shumë më tepër sesa pala tjetër për normalizim me njohje de facto në qendër, për njohje reciproke, por gjithashtu jemi të interesuar dhe të gatshëm për deeskalimin e gjendjes për çfarë unë kam folur edhe publikisht ë të gjitha gjuhët që i di në mënyrë që të kemi paqe e qetësi në veri të Kosovës, por edhe Kosova e Serbia si dy shtete të ndërtojnë fqinjësi të llojit evropian”, është shprehur ai.

Lidhur me parkun e përuruar të dielën, Kurti ka thënë se ky park prej 1 hektari ka vlerën prej 124 mijë euro.

“Të gjitha vendimet e mëdha merren për të tashmen dhe të ardhmen, e kjo është për fëmijët tanë. Urojmë që ky park do të kthehet një vend ku të gjithë do të krijojnë momente të mira. Janë pikërisht këto hapësira që e lidhin individin me vendin. Ky park është 124 mijë euro prej 1 hektar”, ka thënë ai.

Të pranishëm në këtë ngjarje të dielën ishin edhe kryetari i Komunës, Qemajl Aliu dhe ambasadori i Gjermanisë në Kosovë, Jorn Rohde.

Aliu nga ana tjetër ka kërkuar përkrahjen e qeverisë në çdo iniciativë të komunës.

“Si qeverisje ne kuptojmë sa është e nevojshëm që të shtojmë hapësira të tilla, prandaj jam i gëzuar që në këtë prani kaq të lartë të hierarkisë institucionale t’ia urojë këtë park banorëve të këtij vendi. Kemi vendosur që ta emërojmë në emër të landit që ka kontribuar për këtë park pra “Nordrhein-Westfalen”. Nuk po them që çdo gjashtë muaj do të përurojmë një park të tillë, por e dimë që kryeministri do të na përkrahë në çdo hap”, ka thënë ai.

Ndërsa ambasadori Rohde ka thënë se shpreson që herën tjetër ta vizitojë këtë park me mbesën e tij, për të luajtur.

“Jam shumë i lumtur, pasi me më dëshirë i hapi këto parqe sesa ato parqet e biznesit, edhe ato me qejf por parqet për fëmijë janë të një rëndësie tjetër. Me shpresë që partneriteti do të rritet mes dy vendet dhe uroj që herën tjetër do të jem këtu me mbesën time për të luajtur”, ka thënë ai.

Related posts

”Fratelli d’Italia” dhe Meloni fitojnë zgjedhjet parlamentare

admin

Bastisjet në 7 lokacione në veri, Policia tregon armatimin e gjetur

rezart morina

Vazhdojnë të jenë të mbyllura dy pikat kufitare me Serbinë, Jarinje dhe Bërnjak

rezart morina