Emisari i Bashkimit Evropian për dialogun Kosovë – Serbi, Miroslav Lajçak ka thënë se vendimi për hapjen e Urës së Ibrit duhet të merret në dialog.
Ai ka thënë se është përkrahës i fort i vendimeve dhe zgjidhjeve për të cilat palët pajtohen.
“Ura e Mitrovicës ka qenë pjesë e dialogut prandaj unë mendoj që vendimi për hapjen duhet të merret në dialog. Gjithçka është në dorën e dy palëve. Unë dua që hapja e Urës të jetë kontribut për stabilitet të madh e jo për destabilitet të madh”, ka thënë ai, duke përsëritur që dialogu duhet të përdoret si platformë për marrëveshje.
“Nuk duhet që vizioni i njërës palë të jetë mbi vizionin e palës tjetër”, është shprehur Lajçak.
