Krerët e vendeve të G7 u zotuan se Vladimir Putin dhe persona të tjerë do të mbajnë përgjegjësi për sulmet më të fundit në Ukrainë.
Në përfundim të takimit të tyre virtual, liderët dolën në një deklaratë të përbashkët në të cilën dënuan veprimet e Rusisë në Ukrainë, shkruan CNN.
Ndërkohë, presidenti ukrainas Volodymyr Zelensky foli në takimin virtual dhe bëri thirrje për një kufizim çmimi për eksportet e naftës dhe gazit të Rusisë, duke argumentuar se kjo do të afronte paqen, raporton BBC.
Zelensky gjithashtu u kërkoi udhëheqësve të G7 që urgjentisht të sigurojnë armatim të avancuar për të krijuar mburojë ajrore për Ukrainën dhe propozoi vendosjen e një misioni vëzhgues ndërkombëtar në kufirin midis Ukrainës dhe Bjellorusisë, një aleat kyç i Rusisë.
