Gjatë ditës së sotme familjarë dhe miq të ish deputetit të Kuvendit të Kosovës, Gani Geci janë mbledhur para burgut të Smrekonicës për të pritur lirimin e tij.
Sipas disa pamjeve të siguruara nga ‘Indeksonline’, Gani Geci shihet duke dalë nga burgu në Smrekonicë.
Gani Geci u shpall fajtor për vrasjen e Ruzhdi Shaqirit në vitin 2014.
Ai ishte dënuar me 3 vite e gjysëm burgim.
Geci u dënua me 3 vite burgim për vrasje të rëndë, kurse me 10 muaj burgim për armëmbajtje pa leje. Ndaj tij u shqiptua dënimi unik prej 3 vite e 6 muaj burgim efektiv.
Në dënim iu llogarit edhe koha e kaluar në paraburgim.
Geci e kishte pranuar se e ka kryer këtë vrasje, duke thënë se këtë veprim e kishte bërë në vetëmbrojtje, pasi kishte deklaruar se ka qenë i rrezikuar të vritej.